Fräiloftausstellung „Eng Zäitrees“

De Patrick Brandenburger, Joergang 1979, huet seng Kandheet a Jugend zu Éilereng verbruecht a wunnt zanterhier an der Gemeng. Schonn zu Schoulzäiten huet d’Fotografie hie faszinéiert. Deemools huet alles mat enger klassescher Filmkamera ugefaangen. Seng Léier als Fotograf konnt hie beim Jos Glauden zu Déifferdeng absolvéieren. A senger Karriär konnt hien tëscht 2014 a 2019 ewell 3 Ausstellungen am Kulturschapp Éilereng realiséieren. Theeme waren Art Catching, Namibia a Schottland.
 
Seng nei Ausstellung „Eng Zäitrees“, déi bis den 1. Oktober 2024 ka bewonnert ginn, soll vermëttelen, dass Fotografie esou ofwiesslungsräich wéi d’Geschicht ka sinn. Mat senge Biller stellt hien eis verschidde Genren an der Fotografie vir, vu Portrait iwwer Sport, Eventer, Concerte bis zum Lightpainting. Virun allem fiert de Patrick ganz nom Motto vum Krichsfotograf Robert Capa (1913-1954): „Ass deng Foto net gutt genuch, waars du net no genuch drun“.
 
Vernissage den Donneschdeg, 11. Juli 2024 ëm 18.30 Auer
(Entrée via d’Rue de Niederkorn)