Buchpresentatioun “Greenhouse Stories”

Andeems si sech vun der traditioneller, architektonescher Siicht op Zäre léisen, invitéiere Laura Drouet an Olivier Lacrouts vum studio d-o-t-s eis mat hirem Buch “Greenhouse Stories. A Critical Re-examination of Transparent Microcosms”, eng grëndlech Analys vun der komplexer Vergaangenheet ënner landwirtschaftlechen Aspekter ze maachen. Et geet dobäi ëm déi sozial, historesch, ekologesch an artistesch Dimensioun. D’Essaien an Interviewen am Buch enthülle Geschichten iwwer d’Migratioun vu Planzen, imperialistesch Appropriatioun an ekologesch Kontaminatioun. Zousätzlech beliichten si d’Roll vun de Gewächshaiser als Plaze fir Emanzipatioun, besonnesch fir Fraen, an als Inkubatore fir solidaresch Projeten.
 
Sidd mat dobäi de Mëttwoch, 19. Juni 2024 ëm 18.30 Auer an den Zären zu Zolwer (rue du Knapp / rue Belle-Vue, L-4465 Zolwer) fir am Buch ze bliederen an d’Auteuren ze treffen, déi Erklärungen zum Buch ginn a vu senger Kreatioun schwätzen, déi ënner anerem wärend hirer Residenz an eiser Gemeng bei Esch2022 stattfonnt huet.
 
Et gëtt och live Musek. Taucht an d’musikalesch Welt vum Pauline Mikó an, déi de Spëtznumm “The singing plants lady” krut. Als audiovisuell Kënschtlerin exploréiert hiert Wierk d’Grenzen tëscht Konscht, Technologie an Natur. Si rifft de Publikum op, seng Relatioun mat de liewege Wiesen ze iwwerdenken an d’Musek als eng gemeinsam Sprooch tëscht Mënsch an Natur ze erkennen.
 
An enger Welt, déi ëmmer méi vun der mënschlecher Präsenz gepräägt ass, kann d’Neiinterpretatioun vun den Zären als Symbol an Instrument eis Verbindung mat der Natur stäerken. Duerch d’Redefinitioun vun dësen transparente Mikrokosme si mir invitéiert, eng méi respektvoll a déifgräifend Relatioun mat eisem Ëmfeld ze kréien.
 
Plus d’informations sur le livre en cliquant ici.
Plus d’informations sur Pauline Mikó en cliquant ici.