Cours fir Gediechtnestraining

Wat wollt ech aus dem Frigo huelen? Wéi ee Passwuert hunn ech op där Plattform scho méi? A firwat kann ech mech net méi un déi Persoun hiren Numm erënneren?
 
Heiansdo versti mer net, wisou e Gedanken, deen elo just nach do war, schonn nees fort ass. Deem kënne mir awer entgéint wierken andeem mir eis d’Gehier trainéieren. Jo, dat ass méiglech.
 
Alles, wat Dir dozou wësse sollt, gitt Dir an der 2. Editioun vun eise Course fir Gediechtnestraining gewuer. Um Programm sti praktesch Übungen, déi eis Perceptioun, Konzentratioun a logescht Denke fërderen. Insgesamt sinn et 9 Seancen fir 30 €. Hei d’Datumer vum Cours:
 
– 30. Januar
– 6. Februar
– 13. Februar
– 27. Februar
– 6. Mäerz
– 13. Mäerz
– 20. Mäerz
– 27. Mäerz
– 3. Abrëll
 
De Cours gëtt op der Gemeng zu Bieles um 1. Stack am Comitéssall ofgehalen. Material kritt dir sur place.
 
D’Plaze si limitéiert, déi éischt si vir. D’Umeldung ass obligatoresch a kann iwwer senior.plus@suessem.lu oder um 59 30 75 – 631 gemaach ginn.