Matgesfest
An de Gemeinschaftsgäert am Matgesfeld zu Bieles war vum 5. bis 6. Oktober 2024 déi véiert Editioun vum Matgesfest. Nohalteg Verkafsstänn, Aktivitéite fir Grouss a Kleng, a ganz vill Musek waren op der Affiche, genee wéi e gudde Maufel. Optrëtter vun Artist·innen a Gruppe wéi BG & The Rebels, Waffle Killers, Zero Point Five, Blue-Ish, Joel Marques an der Bieleser Musek hu fir gutt Stëmmung gesuergt.
Weider Highlights waren den Optrëtt vum portugisesche Folklorgrupp O Cancioneiro do Alto Minho, d’Liesunge fir Kanner vun der onvergläichlecher Tatta Tom, d’Präsenz vum glëschteregen Draach Onil deen alles recycléiert, an den Outdoor Yoga vun In-Jou. Sonndes gouf ënner anerem den Ëmweltdiplom iwwerreecht.
Fotoen: Max Staus
