Ech kann net méi!

UPDATE: Et si keng Plaze méi fräi.
 
Eng Konferenz am Kader vun de Semaines de la santé mentale.
 
Zanter COVID ass de Begrëff „Hygiène mentale“ ëmmer mei wichteg ginn. Fir Kanner ass relativ wéineg iwwer dëst Thema erstallt ginn. Dobäi huet an de leschte Jore grad bei Kanner d’Heefegkeet vun Angschtstéierungen an esouguer Depressiounen zougeholl.
 
Op dëser Konferenz vun der Psychologin Christina Scherer, a Lëtzebuerger Sprooch an Iwwersetzung op Franséisch op Ufro, oppe fir Interesséierter oder Professioneller aus dem Kannersecteur, ginn Techniken a Programmer presentéiert, déi einfach unzewende sinn a Kanner an hirer Hygiène mentale am Alldag ënnerstëtze kënnen. Duerch d’Wëssen an d’Exercicer, déi d’Elteren oder déi Professionell aus dem Beräich duerch dës Konferenz kréien, soll d’Kand d’Méiglechkeet kréien, kierperlech a psychesch mei stabil ze ginn an sech besser ze spieren. No der Konferenz kënnen och Froe gestallt ginn.
 
Froe per E-Mail op service.secd@suessem.lu oder iwwer den Telefon 59 30 75 654.