Concours „Pimp my Bushaischen“

D‘Gemeng Suessem organiséiert op en Neits de Concours Pimp my Bushaischen, eng Aktioun, déi wärend der Europäescher Mobilitéitswoch am September 2016 lancéiert gouf. Wéi den Numm et scho seet, ass et drëms gaangen, de Bushaisercher e besonneschen Touch ze ginn. An dofir brauche mir iech an är Kreativitéit. D’Haisercher sollen nämlech vu Leit aus der Gemeng nei gestalt ginn.  D’Material kritt dir vum eisem Service Technique gestallt.
 
Iwwert dëse Link geet et bei den Umeldungsformulaire, deen dir online kënnt ausfëllen. Dir kënnt iech d’Dokument awer och eroflueden an dem Service Technique schécken. Dat geet iwwer follgend E-Mail: secretariat.technique@suessem.lu
 
D’Gewënner·inne ginn e Samschdeg, den 21. September 2024, um Dag ouni Auto, ausgezeechent. Déi betraffe Leit kréien am Virfeld eng Invitatioun.
 
D’Thema vun der Europäescher Mobilitéitswoch 2024 ass „Espace Public Partagé“, also d’Deele vum ëffentleche Raum tëscht alle Participante vum Stroosseverkéier. An de Konschtwierker soll also beschtefalls dëse Sujet erëmerkenne sinn.