20. informell Entrevue vun den däitschsproochege Staatschef·innen

Op Invitatioun vun den LL.AA.RR Grand-Duc an der Grande-Duchesse, hu sech déi däitschsproocheg Staatschef·innen dësen Dënschdeg, de 17. September 2024 getraff. D’Buergermeeschtesch Simone Asselborn-Bintz huet och un der 20. informeller Entrevue vun den däitschsproochege Staatschef·innen an der Maison des Sciences Humaines vun der Uni Lëtzebuerg um Belval deelgeholl. De Sujet vum Dag huet sech mat Fake News an de Geforen a Risike fir eis Gesellschaft befaasst. D’Table Ronde, déi am Media Center ofgehale ginn ass, gouf duerch eng Ronn vun Expert·innen am Domaine komplettéiert.
 
„D’Fake News stellt eng grouss Erausfuerderung fir eis Gesellschaft duer: Et steet net manner wéi d’Vertrauen an déi demokratesch Institutiounen an d’Wëssenschaft um Spill“, huet den S.A.R. Grand-Duc betount.
 
Virum Enn vun der Entrevue goung et fir d‘éischt eriwwer an d’Unisbibliothéik, déi op den Iwwerreschter vum fréieren Industriegebai Möllerei gebaut ginn ass. Duerno stoung nach een Tour vum Campus um Programm éier d’Ofschlossiessen an der Halle des poches à fonte zerwéiert ginn ass.
 
 

 
Fotoen: Maison du Grand-Duc | Kary Barthelmey